Duwang Klaseng Tawo sa Panahon 'nin Calamidad

Pag yaon na ang Oktubre, dacol 'nang tawo ang naghahadit can saindang lasngag 'pati cung ano ang igkakabuhai ninda. Nata? Panahon na naman can makusog na paros 'asin uran 'pati pagbaha.

Dae 'mawawara sa sarong tawong mahigos 'asin pamilyado ang pagimati na "Ano daw ang gigibuhon ta cung sacali 'man may umabot na naman na limang baguio 'digdi sa banhwa 'ta." Daeng rugaray na minagayak ang tawong arog kaini, ta pano nin 'hadit na baka dae na namang macaon ang sa'iyang mga aki 'asin agom.

May 'iba man na tawong warang pacimano 'asin daeng pag riparo sa sa'iyang palibot. Maski, daeng kukurukuskos, 'pahit ang pag isip kaining manlain 'lain "Dae man dapat acong isipon, ta 'pirang baguio na ang nag agi, wara man na nawawara sa buhai co.", "Pagkatapos can baguio, mabaralik man 'sana ang pagkabuhai can mga tawo" Buda manlain 'lain kaini ang igsasalaan 'asin na igpaparanguspak. Nakukuha kaining basulon ang gobyerno, sarong tawo 'sa laog can harong 'o bilog mismong pamilya.

Dae 'ta man mababasol ang mga 'tawong daeng pacimano. Kung arog na talaga kaini ang naging buhai ninda, dae 'ta dapat makuhang macipag simbagan 'sainda ta capag nag tumang cita - minaluwas na cita pa ang may 'sala buda 'daeng paunod. Dapat, nakasuksok na ini sa 'satong buot. Wara citang maginibo cung ang prinsipyo 'ninda ang dae mag manghno sa palibot 'ninda.

Arog kaini ang buhai mi digdi sa Pilipinas 'pag uminabot na Oktubre. Mina 'aloy ang pag hadit na ini hanggang Abril. 'Pano nin manlain 'lain na tentasyon - yaon na ang tentansyon sa helang, sa panahon, sa gobyerno 'asin manlain 'lain na ahensya, 'asin sa mga tawong daeng 'labot, na nagrururaging sana can sa sa'indang pagkabuhai.

Ang nasasabi na sana 'can mga gurang, "Wara citang magiginibo noi, cung aatupagon 'ta sana ang kahugacan can 'iba, pano na kita makakahimo dangan makakapreparar 'para sa maabot na baguio? Pano na ang saimong mga magurang 'asin agom dangan aki?"